بعيد عن الإدمان الخطير للمخدرات والتدخين.. فيه أنواع ثانية للإدمان.. إدمان التسوق.. إدمان النت .. إدمان القراءة.. إدمان القهوة.. الإدمان بشكل عام سيئ ومزعج لأنه يجبرك على سلوك معين حتى لو ما كان وقته
إدمان القراءة
أعرف شخص مدمن على القراءة بشكل فظيع.. ما يقدر ينام إلا بعد ما يقرا شي مهما كان مرهق وتعبان.. مره كان مسافر وما جاب معه شي يقراه.. حاول ينام وعجز.. آخر شي.. قام يقرا فواتيره وأوراق ما لأمها داعي ثم خمد.
إدمان العطور
هذا إنسان لو ما في جيبه إلا 500 شرى بها عطر.. يحاول يقنن مصروفاته و يدخر خاصة وأوضاعه المادية تعبانه إلا إنه يفقد لا دخل محل عطورات .. مره كان مودي امه السوق .. وهو مدحدر ماديا يعني بعد كذا شهر بيصفي عالحديدة .. المهم دخل محل عطور.. ونسى كل شي في العالم إلا الشي الجميل اللي اسمه عطر.. طلع من المحل بعطرين ب 2000 ريال .. بعد ما راحت السكرة درى إنه جاب العيد وصار شكله كذا
إدمان الأفلام
غير الإدمان الشامل للأفلام .. فيه أشخاص يدمنون على فلم معين.. واحد من اخوياي شاف ارماجدون 11 مرة.. لدرجة كلما سمع كلمة ( هيوستن) لا شعوريا يقول : we have a problem
طبعا اللي ما شاف الفيلم مراح يفهم وش المقصود
إدمان القهوة
إدماني السابق .. كنت متعود كل صباح كوب نسكافيه .. المشكلة ما حسيت بإدماني إلا في رمضان .. حسيت بأعراض إنسحابية .. لدرجة التساؤل النسكافيه كان ملغم ؟!! .. من رمضان وعلاقتي مع النسكافيه علاقة أخوية ما تصل للإدمان.
وأسوأ أنواع الإدمان أن تدمن شخص
عشق روحي