هلال شهر الاحزان عاد من جديد1433هجري

بسم الله الرحمن الرحيم
كم يا هلال محرم تشجينا***ما زال قوسك نبله يرمينا. كل المصائب قد تهون سوى التي***تركت فؤاد محمد محزونا
شهر محرم الحرام لعام 1433هـ قد

اقترب واقتربت معه الدموع والحسرات
فلأندبنك صباحا ومساء ولأبكين عليك بدل الدموع دما يااباعبدالله
(((((ألهلال))))) زنجيل
************ *****
من يا مصيبه تبدي الغريبه
من حسين لومن الكمر هل اليله يهلال الشهر
من يا مصيبه تبدي الغريبه
*********************
من شفتك بعيني صحت يهلال الهمــــــــــوم
شخليت وشعندك بعـــــد من عندي هل اليــوم
ولياني كلها بكربـــــــلا راحت يميشــــــــــوم
ورديت اليه بهاي المسيه
شفتك ودلالي انفطر هل اليله يهلال الشهر
*******************************
من حكي يهلال الحزن هاي المسيـــــــــه
اجري المدامع من دمه وصفج بديــــــــه
دنياي من عكب الاهل وحشه وخليـــــــه
بدموعي ناديت مهظومه ظليت
ومانشفت ادموع النظر هل اليله يهلال الشهر
*******************************
وياك لوي الدهــــــــر يهلال العتــــــاب
ظلعين اليه اتهشمــــن وشتد المصــــاب
واحد تهشم با الحرب والثاني با البــاب
والهم ولاني ميته عساني
ولاشفت بعيوني النحر هل اليله يهلال الشهر
*******************************
كظيت عمري امدوهنه ومحتاره با البيـن
ولاكلبي بطل ونتـــــــه ولانشفت العيــن
انه الشفت سيف الشمر حز منحر حسين
وشفت الكفلنه راعي المحنه
مطروح جسمه علل النهر هل اليله يهلال الشهر

زينب انه وما ينوصف خدري ودلالـــي
بوجود اخوتي مانظــر واحد خيالـــــــي
يهلال تذكر حالتـــــي وظيم الجرالــــي
محد رحمني ولاسكن وني
مثل امي خلاني الدهر هل اليله يهلال الشهر
*****************************
للحومه تذكر من رحت يهلال الاحـــزان
وحيده وغريبه لااهــل لاعندي وليـــــان
للماي اصدن والكلـــب يصرخ يعطشــان
من فاركتني بحيره عقتني
وذبلت اجفوني من السهر هل اليله يهلال الشهر
*******************************
عفته ورحت للمشرعـه بلوعة دليلـــــي
بلجن يحن الحالتـــــــي ويكعد جفيلــــي
ناديته ياراعي الوفـــــه هدمت حيلــــي
عكبك ولوني ياضوه عيوني
بحالتنه هم عندك خبر هل اليله يهلال الشهر
*******************************
كلبت جسمه وماشفت سالم كتر بيـــــــه
يهلال ضيعت الفــكر جاوين اوديـــــــه
ياريت ينطر الكلــــب وبنصه اخليـــــه
مكدر اعوفه وبعيني اشوفه
مطروح بن فارس مظر هل اليله يهلال الشهر
*******************************
حكي من اكلك لاهله بجيتك يلـــــهلال
بيك الخدر راح وبعد ماظلت امـــــــال
فكد الولي ماينحمـــل للحره جتــــــــال
هذا الجرالي ماعندي والي
حشمت صبري ولا حظر هل اليله يهلال الشهر
***********************************************
محرم الحرام1433ﻫ ادارة المنتدى هلوله و شهد
عظم الله اجورنا واجوركم بهذا المصاب الجلل ونسالكم الدعاء